Nos ku Nos, Emiliano All Stars i Veteranos ta gana den Liga Amistad

ZAPATEER - Round Robbin di LIga Amistad a sigui djadumingu último na Ricardo Elhage Ballpark despues ku weganan a keda suspendé dos siman pa motibu di awaseru.
Nos ku Nos, Emiliano All Stars i Veteranos a gana nan weganan.

RESULTADONAN
Djadumingu 9 di sèptèmber
Nos ku Nos Botika Mampuritu 14, Arpo 10
E ekipo Nos ku Nos tabatin 17 hit i nan a hunga impekabel.
Glendomar Davelaar a bai ku e viktoria.
Michiel de Roon a bati di 4-3.
Mirieldo Trinidad, Raynis Faries i Kenneth Martha a konektá un homerun.
Arpo a bati 12 hit i nan a hasi 1 eror.
Fernando Rosario a sufri e derota.
Enrique Madera i Matias de Leon a bati di 3-2.
Enrique Madera a konektá 2 homerun i Rigobert Cijntje unu.

Emiliano All Stars 11, Magic Softball Team 10
Emiliano a bati 17 hit i hasi 3 eror.
Ramon Moreta a gana i Pieter Rodriguez a bati di 3-3.
2 Homerun a wòrdu konektá pa Pieter Rodriguez.
Pa Magic 8 hit i 1 eror.
Francisco Alcantara tabata e pèrdèdó i Omar Molina a bai di 4-2.
Omar Molina, Gegardo van Heydoorn i Franklin Frans a konektá un homerun.

Veteranos San Marco 21, Domi Nature Valley 11
E ekipo Veteranos San Marco a bati 21 hit i nan a kometé 2 eror.
Picher ganadó tabata Faisel Pereira i Albertico Leito a bai di 3-3.
Mayron Martinus, Faisel Pereira, Robertico Ramazan, Albert Pieternella i Winston Kirindongo, tur a bati un homerun.
Domi Nature Valley tabatin 11 hit i nan a hasi 1 eror.
Ellerick Rodriguez a pèrdè i Eugene Martijn a bai di 2-2.
Farley Kip, Dayron Matrona i Shurandy Lourens a konektá un homerun.