Nos Por i The Old Young Ones den gran final Liga Streanan di Ayera

MUIZENBERG - Nos Por a gana Mi Deseo dos biaha i klasifiká pa final di Liga Streanan di Ayera. Nos Por a gana djabièrnè 13-9 i djadumingu 3-0.
Sin duda Minerva Maduro tabata e strea di e partido ganando tur dos wega.
Minerva a gana e promé wega den relevo i djadumingu ta blankia e ekipo di Mi Deseo ku tabata faborito pa bai final.

Djabièrnè 7 di sèptèmber
Nos Por 13, Mi Deseo 9
Nos Por a dal 11 hit i hasi 1 eror. Minerva Maduro a gana i Grace Leito a bati di 2-2.
Mi Deseo a bati 11 hit i hasi 4 eror. Marelva Puriel a pèrdè.
Nohett Boelijn di 3-3 ku dos homerun. Azucena Bernadina tambe a konektá di 3-3.

Djadumingu 9 di sèptèmber
Nos Por 3, Mi Deseo 0
Nos Por a dal 4 hit i hunga sin eror. Minerva Maduro a bolbe gana i Maira Brunken a bati di 1-1.
Mi Deseo a dal 1 hit i kometé 4 eror. Magna Josefa a resultá e picher pèrdèdó i Azucena Bernadina a bati di 2-1.