Buena Vista Power lo ta fuerte e fin di siman aki den semi-final den Torneo Kopa Joy Alberto

WILLEMSTAD - Torneo Kopa Joy Alberto lo ta kandela e fin di siman aki na Cirilo Chirino Ballpark.
Dalpega i Catpower lo batayá fuertemente.
E number dos den Pul di Dalpega i Catpower, Pul B lo enfrentá Buena Vista Power.
Buena Vista Power lo hunga djadumingu mainta 11’or den semi-final kontra e number 2 di Pul B.

KOMERSIAL
Djabièrnè anochi 7.30’or tin e tremendo klèsh entre Building Depot i MCB den e sekshon Maskulino.
Tur dos ekipo ta invikto i un mester pèrdè naturalmente.
Ganadó di e wega aki lo bira kampion di e sekshon Maskulino Komersial, debí ku segun e skèdjel no tin play-off den komersial.
Ta spera un públiko grandi pa mira e wega aki.