Dos refuerso fuerte pa Buena Vista Power, Joshua i Jonathan Ramada di Calabas a yega Kòrsou awe mainta

WILLEMSTAD - Awe mainta tempran pa ta eksakto 7.30’or dos hungadó di e ekipo kampion ABC Calabas Dream Team a yega for di Aruba pa reforsá e ekipo invikto di Buena Vista Power.
E ekipo super kampion Buena Vista Power no ke laga e título bai, debí ku nan ta gana asina ei di dos Kopa Rotativo Joy Alberto.
Buena Vista Power a partisipá 6 biaha na e torneo Kopa Joy Alberto i a gana e titulo na 5 okashon.

Jonathan i Joshua Ramada na yegada Korsou, djasabra 23 di februari mainta

Buena Vista Power lo ta den akshon mayan mainta 11’or kontra di probablemente Swift.
E indikashon ta fuerte ku Swift lo klasifiká debí ku Dalpega mester gana Catpower awe ku skor di 2-1, pa Swift kai afo.
Softballcuracao.com lo bai kampeer djadumingu mainta na Cirilo Chirino Ballpark pa mira e weganan. Kandela tin awe i mayan na Trai Seru!!!