Little League Softball Aruba “Liga Carmelita Haynes” hunto cu CPSO ta organisando un grandioso clinics di softball dianan 28,29 di February y 1 di maart.

ORANJESTAD - Fin di otro siman lo ta na Aruba e famoso trainer di softball profecional Sra Linda Derk. Linda Derk ta un personage hopi respeta na Merca pa tur su logronan y ta dedica pa pasa su experencia pa hobennan . Little League Softball tin lasonan estrecho cu Sra Linda Derk pa algun anja caba. Den un otro edicion nos lo amplia riba biografia di Linda Derk. Inscripcion pa Clinics cu Sra. Linda Derk di Merca. Dianan di clinics ta 28 di Februari pa dia 1 Maart
Dia 28 di Februari ta pa muchanan di 9-13 aña.

Riba tereno di Winston cuminsando 4pm.
Tur mucha ta welcome tambe esnan cu no ta hungando Little League Softball pa asina por sinja lo maximo for di Linda Derk.
Diasabra mainta lo tin clinics pa muchanan di 13-20 aña.
Esaki lo inicia pa 10 am riba tereno di Heineken na San Nicolas.
Diadomingo atardi pa 3’or lo tin Coaches Clinics pa tur manager y coach di softball en general unda CPSO ta hasi un jamada na su coaches y managers pa asisti na YMCA San Nicolas cuminsando pa 3pm. Pa inscripcion por jama libremente Sra Carmelita na 5940221 of demas miembro na 5624562, 5849373, 5849373. Tambe por tuma contacto cu Wendy di CPSO na 5610312. Tur hoben interesa por asisiti na e clinicsnan aki . Pues bo no mester ta miembro pa asisti.
Lo cobra un suma chikito di Fls 5,= pa persona pa inscripcion unda bo lo ricibi un certificado na final firma pa Sra Linda Derk, Little League Softball y CPSO.