Buena Vista Power ta gana Red Devils ku skor di 7-5, den Torneo Kopa Joy Alberto

TRAI SERU - Buena Vista Power ku bon picheo di Pacheco Raphaela i relevo di Naai Hooi ta gana Red Devils di Djonny Joubert ku skor di 7-5 djasabra atardi dilanti un bon públiko na Cirilo Chirino Ballpark. Un bon públiko tabata presente pa mira dos ekipo ku a reforsá ku diferente sòftbòlista Boneriano. Red Devils a hunga djadumingu kontra Baranka i ta pèrdè nan di dos enkuentro.

Buena Vista Power 7, Red Devils 5
Power a dal 12 hit i hunga sin eror. Pacheco Raphaela a gana i Michael Trinidad a a bati di 3-3. Sharlon Schoop tabatin un homerun.
Red Devils a bati 10 hit i hunga sin eror. Jo-Andy Balentina a pèrdè. Mayron Wijman a bati di 3-3. Andley Simmons a bati 2-2. Maryon Wijman i Ivar Martis tabatin bataso di kuater skina pa Red Devills.