Dave Kirindongo ta konfirmá ku e ta 80% den Swift

WILLEMSTAD - Djabièrnè, 1 di februari 2008, nos a kombersá basta ratu ku Dave Kirindongo en konekshon ku su partisipashon den e ekipo Swift e aña aki.
Dave: “Mi ta 80% den Swift, tin algun kos ku mester wòrdu reglá pero mi ta kere ku mi ta bai Swift e aña aki. Mi ta kumpli 27 aña e temporada aki, ke mèn ta net bon pa mi hunga un temporada kompletu.”

TREMENDO BATE
Dave Kirindongo ta un tremendo bate ku hopi poder.
Nos ta kòrda na ABC 2006 na Boneiru, Dave Kirindongo na tersera base pa Buena Vista Power tabata simplemente sensashonal.
Dave den 5 wega ku Buena Vista Power a bati 7 homerun i konektá 18 hit den 21 turno.
Fuera!!! Sifranan fèrfelu den weganan di preshon..
Dave lo kumpli 27 aña dia 18 di mei ku ta tres siman despues ku Liga van Engelen start.


Dave Kirindongo ku swing poderoso na Boneiru den ABC aña 2006