Baranka Napa Auto Parts 20 aña den Sòftbòl Slowpitch

Baranka Napa Auto Parts, un di e ekiponan mas eksitoso di Sòftbòl Slowpitch, awe a kumpli 20 aña den Slowpitch.
E ekipo fundá pa entre otro Joy Alberto lo selebrá e echo aki mas den kurso di luna.
E fecha ofishal ku Baranka a keda fundá ta 4 di yüni 1987.

HISTORIA
Nos tin un historia kòrtiku di Baranka.
“E hòmber grandi, Joy Alberto, a lanta Baranka den 1987.
Ofisialmente ta dia 4 di yüni 1987. A pone e fecha aki di kual a funda e klup, pasombra ta e dia ei e ekipo a biaha pa Venezuela.
E klup a wòrdu lantá ku intenshon pa dibertí un ratu ku slowpitch, semper alegre i kontentu, pero solamente den eksterior.
E ekipo a keda formá pa 10 trahadó di Setel N.V. i 1 di F.K.P.

Nos promé biahe tabata dia 4 di yüni 1987 pa Caracas, Venezuela. Baranka a hunga kontra di un ekipo di dokter di e estado. Despues nos a bolbe bai Caracas den novèmber 1987, e biaha aki nos a hunga den e stadion kaminda kam-pionato Sentro Amerikano di Sòftbòl Fastpitch a tuma lugá na Mampote. Baranka a hunga kontra di selekshon Hubenil di Fastpitch di Venezuela. Joy Alberto a pitcha kontra di selekshon i dominá e mucha-nan ku su lansamentunan
‘loepende loep’. Nos a gana e wega. Baranka no tabatin superstar den e klup, ta un par di hungadó tabatin ku tabata hunga den otro tim.

Despues ku Baranka a bin for di Caracas, a kuminsá hunga na Dok den Liga Ban Gosa riba diabièrnè anochi. Nos tabata pèrdè kasi tur wega. Den e trayektoria di 17 aña di Baranka, nos a hunga diferente nòkout, torneo i Liga. Pa menshoná un par, Liga Sabana, Kopa Basora, Liga Amstel, Liga Van Engelen, Kopa ABC, Kopa Joy Alberto i diferente torneo na Kòrsou, Aruba i den eksterior.
Den e 20 aña di eksistensia masha hopi titulo. Baranka a logra 5 título siguí di Kopa Basora di Chati ( 1992 pa 1996). 5 Título den e torneo di Avia Forever na Aruba (Lucky Winterdaal) di kua 4 siguí
( 1994,1996 pa 1999).
6 Título di Liga van Engelen di kua 4 siguí ( 1996,1997,2000 pa 2003). 2 titulo di Kopa ABC ( 1996 i 2003 ).
Atrabes di añanan nos wòrdu di spònser pa Mas Productions i Setel. For di 1997 Napa Auto Parts ta nos prestigioso spònser i ta orguyoso ku loke nos ta presta komo klup i semper nos a respondé manera nan ta spera di nos.

Al final, un dicho ku semper Joy Alberto ta husa ta:
Kòrsou ta Baranka i Baranka ta Kòrsou!”