SVB ta gana promé wega den unifòrm nobo

SVB despues di a lusi nan unifòrm nobo den Torneo Sigi Gosa djabièrnè último a bin gana nan promé wega den e torneo djasabra kontra Deloitte/BNA ku skor di 3-1.
Awe nos tin algun resultado di Torneo Sigi Gosa.

RESULTADONAN
SVB 3, Deloitte/BNA 1(Fem.)
E ekipo SVB tabatin 7 hit i nan a hasi 2 eror.
Picher ganadó tabata M. Martina, miéntras V. Martina a bai di 2-2.
Pa Deloitte/BNA 5 hit i 1 eror.
Picher pèrdèdó tabata G. Ventura, miéntras J. Cathalina a bai di 2-1.

Ban Bria 6, SVB 0 (Fem.)
Ban Bria tabatin 7 hit i nan a hasi 1 eror.
S. Isenia tabata e mihó na bate i a bai di 2-2.
Pa SVB 4 hit i 4 eror. G. Marin a resultá e mihó batia- dó i ela bai di 2-1.

UNA 7, Selikor 2 (Fem.)
Pa UNA 5 hit i 1 eror.
Picher ganadó a resultá J. Remilia, miéntras J. Helmijn a bai di 3-1 komo e mihó batiadó.
E ekipo di Selikor tabatin 7 hit i nan a hasi 7 eror.
Pèrdèdó tabata M. Bernabela i S. Cijntje a bai di 3-2.
E wega aki a keda empatá te den di 5 kaminda a bin aplika e 'tie break rule'.

Selikor 16, Taxi Bloopers/The Bears 15 (Mask.)
E ekipo Selikor a bati 8 hit i nan a kometé 1 eror.
Picher ganadó tabata R. Rosa i e mihó na bate tabata H. Plantijn ku a bai di 2-2, inkluyendo un homerun.
Taxi Bloopers/The Bears a bati 10 hit i nan a hasi 5 eror.
Edichi Martina tabata esun ku a pèrdè, miéntras M. Windster a bai di 4-2 ku tabata 2 homerun.

Selikor 19, Aqualectra 10 (Mask.)
Selikor tabatin 22 hit i nan a hasi 4 eror.
R. Rosa a gana i e mihó na bate tabata M. Pisas ku a bai di 6-5.
Pa Aqualectra 16 hit i 6 eror.
Roderick 'Kòrá' Sambo a resultá esun ku a pèrdè, miéntras R. Veeris a bai di 4-4.

MCB 17, Hotel Plaza/Avila 14 (Mask.)
E ekipo di MCB a bati 14 hit i nan a kometé 5 eror.
Lopez tabata esun ku a gana, miéntras R. Kirindongo a bai di 4-4, inkluyendo un homerun.
Pa Hotel Plaza/Avila 13 hit i 5 eror. Leonora tabata e pèrdèdó i S. Pietyersz a bai di 3-3 ku un homerun.