Resultado Torneo Muizenberg Ballpark

Ya tin dos siman ku tin un torneo Komersial ta tumando lugá na Muizenberg Ball-park.
9 empresa ta partisipá na e torneo. Fatum i SBAB
ku dos ekipo tantu maskulino komo femenina.
Tin tambe Price Waterhouse Coopers, Polis i VIP.COM tur femenina. Anto den
maskulino tin tambe Casa Cesar, Building Depot, CPA i Brandweer. Na tur a
hunga 13 partido kaba.

E resultadonan ta lo siguiente: Brandweer a nòkout Fatum 13-3. Elisabeth a gana, Perozo i Sirvania a bai di 4-3. Pa Fatum Robert Rosaria a pèrdè.Durley Wedefoort tabata di 2-2.

Fatum Femenina a gana
Price Waterhouse Coopers 16-4. Ela Magdalena a bai kas kontentu ku e triunfo i Janine Phelipa ku tres hit den kuater turno na plato.

SBAB 5 i VIP 1 den Femenina. Danique Piar tabata e ganadó.
Dinaida Brusorio di 3-2. Nathalie Elisabeth a pèrdè i Nathalie mes a bati di 2-2.

SBAB Maskulino a suta CPA 12-1.
Sherwin Casper mes a tuma e bala i bai kompletu pa gana e wega. Sharon La Cruz i Standford Landburg di 4-3.
Landburg tabatin dos bataso ku a bula waya. Marlon Felida a pèrdè i Wilson Windster di 1-1.

Den Femenina: Polis 8 i Price Waterhouse Coopers 2. Rosmarlyn Nocento tabata e picher ganadó.
Rosmarlyn
Nocento i Mariano a bati di 2-2. Rosmalda Melfor a resultá e pèrdèdó. Nicole i Lonella Jansen a bati di2-1.
Fatum Femenina no ta hasi wega i nan ta kontinuá ku otro triunfo riba VIP 10-0.
Ela Magdalena a gana e wega aki tambe. Jenniviene Haime a bai di 2-2.
Nathaly Elisabeth a bolbe resultá esun ku a pèrdè i Leito a bai di 1-1.

Building Depot a para SBAB 14-2.
Elston Pieter tabata grandi riba montikulo i a gana e wega fásil.
Sharon Girigorie i Haime Martina di 3-3 . Sandy Reina a konektá un homerun. Carol Winklaar tabata e pèrdèdó. Welton Adam a bati di 2-2.

Fatum Maskulino 5, Casa Cesar 2.
Robert Rosalia tabata kontentu mes ku su triunfo. Na bate
Herman ku Djurick Delanoy di 4-3. Djurick tabatin un bula waya pa Fatum.
Jeandino ta pèrdè i Bejamine Martha di 2-2.