Djabièrnè, 15 yüni e kam-pionato di The Champions Softball League a kontinuá ku un wega bálido pa e kampionato di dama veterano i un wega bálido pa e torneo di timnan komersial.
Mitar di ocho e supkampion di aña pasá Treasure New Era a enfrentá Warriors. Treasure a kuminsá riba un bon kaminda i a sali viktorioso ku 7 kareda. Warriors a logra skor solamente 1 kareda. Pa Treasure 7 kareda, 8 hit i 4 eror. Picher ganadó Mariela Martis. Sharin Hansen a sali mihó batiadó ku 3-3.
Warriors a dal 3 hit i a hasi 6 eror. Picher pèrdèdó a resultá Mairis Obispo. Mihó bate Natalie Elisabeth 1-1.
DOK 29, CITCO 13
Dok ta suta CITCO formal ku skor di 29-13 den un fiesta di bataso. Kontrali na lokual CITCO a kustumbrá, nan a haya un sota formal serka e kabayeronan di DOK.
CITCO su super estrea Patrick Elisa no tabata sa mas kual picheo e mester a usa kontra di DOK, ya komo kon ku ela picha e bala, DOK tabata kontest'é rabiá ku hit.
Pa DOK 29 kareda, 24 hit i 1 eror. Picher ganadó Jo-Andi Balentina. Louis Arvelo a bati di 5-4. Jo-Andi Balentina, Freneri Coster, Sedlin Gegival, Louis Arvelo, Eugene Hooi i Evan Balentina kada un ku 1 homerun, miéntras ku Wensley Ansano a dal 2.
Pa CITCO 13 kareda, 15 hit i 3 eror. Picher pèrdèdó Patrick Elisa. Patrick ELisa i Michelangelo Cijntje a bai di 3-3. Kada un a dal un homerun. Anthony Leonora i Mayron Martinus a dal kada un dos.
No comments:
Post a Comment