Tres umpire di Liga Soraida Juliana na Kampionato Mundial

Na final di aña pasa Sr. Victor Elhage ku ta “District Administrator” di Little League a risibí un karta for di ofisina prinsipal di Little League na Williamsport ku 3 umpire di Sòftbòl Little League Liga
Soraida Juliana lo por partisipá na kampeonato mundial di sòftbòl Little League di e aña aki. Despues di konsulta ku e umpire prinsipal di Sòftbòl Little League Sr. Marshall, “Chiki” Osepa kende ta kordinadó di umpirenan di Little League a tuma e desishon ku e 3 siguiente umpirenan lo partisipá na
mundial di Little League Softball.
Sr. Sedney Rosa lo partisipá na e kampeonato mundial di Little
League na Portland, Oregon.
Sr. Rigobert Obispo lo partisipá na e kampeonato mundial di Junior League na Kirkland, Washington.
Sr. Francis Soerka lo partisipá na e mundial di e kategoria Senior League ku ta tuma lugá na Lower Sussex, Delaware.
Direktiva di Little League Softball, Liga Soraida Juliana naturalmente ta orguyoso ku 3 umpire di nos sòftbòl ta partisipá na mundial di 2007. Direktiva di C.L.L.S. ta gradisí nan i tur boluntario ku ta
kontribuí positivamente ku nos hóbennan, espesialmente
esnan di nos sòftbòl Little League.