Jaws White Label ta dal Buena Vista Power 21-10 den Liga van Engelen

WILLEMSTAD - Jaws White Label di Kid Boca Chica a sorprendé e ekipo di Buena Vista Power ganando ku skor di 21-10 den Liga van Engelen.Kid Boca Chica mes a drenta di relevo i silensiá e fuerte bateo di Buena Vista Power.
Quisqueya a kibra invikto di Swift djadumingu ultimo

Jaws 21, Buena Vista Power 10
E ekipo Jaws a bati 18 inkogibel i nan a pifia na 4 okashon.  Ivan Schobaar tabata e picher ganadó.Quincy Kook a bai di 2-2, inkluyendo un homerun.Albert den Hartog, Anthony Leonora i Ornell Sprott tambe a konektá 1 homerun. Nos no a haña tur e numeritonan di Buena Vista Power.Mayron Wijman a bati di 4-3.  Faisel Pereira, Merieldo Trinidad i Mayron Wijman, tur a konektá 1 homerun.

Quisqueya 11, Swift 6
Quisqueya a bati 14 hit i nan a hasi 2 eror. Ralph Hermans a bai ku e viktoria, miéntras Carlos Gil a bai di 4-3. Franklin Hagen a konektá un bataso di kwater skina. Swift tabatin 12 hit i nan a kometé 1 eror. Johan Cicilia a sufri e derota i Dave Kirindongo a bati di 4-3. Donovan Seferina tambe a bai di 4-3. Jair Josepha a konektá 1 homerun.

Dalpega 9, Navegantes 8
Dalpega a bati 12 hit i nan no a hasi eror. Gilbert Henriette a gana i Robertico Ramazan a bai di 2-2. Abigail Vilchez i Rashid Jacobs a konektá 1 homerun. Navegantes tabatin 14 hit i nan no a kometé eror. Axel Gomez tabata e picher pèrdèdó. Gerald Riley a bai di 1-1. Ivar Martis a konektá 2 homerun.

Uniko 19, Lions 7
E ekipo Uniko tabatin 17 hit i nan a kometé 3 eror. Gustaaf Barhorst a gana, miéntras Shannon Kleinmoedig a bai di 4-3, inkluyendo 1 homerun. Bertyson Ignatia tambe a konektá 1 homerun. Pa Lions 13 hit i 3 eror. Isaac Francees tabata esun ku a  pèrdè i Raymond Martis a bati di 3-3.Raymond Martis a konektá un bataso di kwater skina.