Sòftbòl Femenino Fastpitch internashon na Sabana Ballpark

WILLEMSTAD- Manera ta konosí e siman benidero lo ta di bishita na Kòrsou un representashon femenino di sòftbòl fastpitch femenino for di Estádos Unídos.
Pa di tres aña konsekutivo nos ta hañando bishita di un delegashon di sòftbòl mucha muhé for di Estádos Unídos. E bishitantenan ku ta alumnonan di Universidatnan na Estádos Unídos ta probechá nan estadia na Kòrsou pa hunga sòftbòl i tambe tuma poko fakansi.
Ta e intenshon pa e bishitantenan hunga aki na Kòrsou henter otro siman. Tur wega ta tuma lugá na Sabana Ballpark.
Liga Soraida Juliana i CSB despues di djaluna ora ku mira e representashon di Estádos Unídos den akshon lo saka un programa di wega kompleto. Tur selekshon ku ta partisipá tin e posibilidat si nan ta haña nesesario pa reforsá ku e hungadónan ku nan ta haña nesesario.Pa loke ta e 3 promé fechanan:
Djaluna 9 di yüni Sabaha Ballpark:
7or: Selekshon Big League vs U.S.A.
Djamars 10 di yüni Sabana Ballpark:
7or: Selekshon Big League vs U.S.A.
Djarason 11 di yüni Sabana Ballpark:
Selekshon Senior League reforsá vs U.S.A.