Selekshon Big League di Sòftbòl di Korsou ta gana Athletes in Action di USA

Selekshon di Big League di Sòftbòl di Liga Soraida Juliana a gana e ekipo Athletes in Actions di USA ku skor di 7-3 ayeranochi dilanti un bon públiko na Sabana Ballpark.
E selekshon di Big League tabata pèrdí ku skor di 2-1 te den nan último oportunidat pero ta rèli pa 6 kareda pa finalmente tuma un kareda den bon di di 7 inning pa gana e wega 7-3.

BIG LEAGUE
E tremendo selekshon di Sòftbòl Big League lo tuma parti na weganan Latino Americano na Cayey (Puerto Rico) di 8 pa 13 di yüli 2008. Mesun selekshon aki a sali kampion den Senior League Latino Americano aña 2006 na Mayaguez (Puerto Rico)

NUMERITONAN
Big League (Kòrsou) 7, Athletes in Action (USA) 3
Kòrsou a dal 8 hit i hasi 2 eror. Jeaniree Domatilia a gana i Jeanivien Kinburn a bati di 3-2.
USA a konektá 5 hit i hasi 1 eror.
Kellie Kenney a resultá e picher pèrdèdó i Veronica Rivers a bati di 3-2. Weganan ta sigi awenochi.