Otrabanda Veterano ta dal Yesterday den beisbòl Veterano

WILLEMSTAD - Otrabanda Veteranos ku picheo di Modesto ‘Moi’ Zinghagel a gana dal Yesterday ku skor di 6-5. E kuadro di Yesterday a kometé no ménos ku 5 eror ku a kosta nan e wega.
Eagle ta gana Amstel pa defolt i Amstel ta keda eksluí for di kampionato.
ya ku e kuadro di Yesterday a kometé no ménos ku 5 eror ku a kosta nan e wega.

Pa Otrabanda 6 kareda 3 hit i 3 eror. Picher ganadó Modesto “Moi” Zinhagel. Miho bate Marlon Rog i Eithel Mercelina di 2 – 1. Pa Yesterday 5 kareda 7 hit i 5 eror. Picher pèrdèdó Erwin Curial. Miho bate Dennis D’Arnault di 2 – 2.

Eagle ta gana Amstel pa defoul pasobra Amstel no por a sera nuebe hungado. Ku esaki Amstel ta pèrdè 2 biaha pa defolt i outomatikamente ta keda ekskluí di partisipashon na restu di kampionato. Debí ku Amstel no ta partisipá mas na kampionato mester kambia e skèdjel i ta pidi tur ekipo pa tene kuenta ku esaki.Kuminsando otro siman lo hunga un wega so riba djasabra ku ta pa tres’or di atardi. Djadumingu lo hunga 3 wega i meskos ku aña pasa un ekipo lo ta liber pa e fin di siman. Pero pe fin di siman aki weganan lo sigui normal segun e skèdjel ku tin aktualmente. E weganan ku tin p’e wikènt aki ta tuma lugá riba vèlt salu. Djasabra pa 1 or di atardi Sta Rosa memories kontra Eagle veterans i pa 15.30 The Bears kontra Yesterday. Djadumingu 10.30 Azucar kontra Surprise i pa 13.00 Vosama kontra Nos Union. Liber pe siman aki lo ta e ekipo di Otrabanda. Beveko ta invitá tur amante di bon beisbòl pa bin presensia e weganan aki.