WILLEMSTAD - Liga Streanan di Ayera ku tur su ekiponan di sòftbòl, umpire i skorer, ta invitá pueblo bin gosa huntu ku nan. Hungadó i fanátikonan di Hulanda tambe tei.
“Hisa Bo Kara, Biba Bo Kultura”.
Tin tambu, Kaha di Orgel i Baile Folklóriko.
Bin tempran i gosa huntu ku 3 tremendo partido.
SKEDJEL DJADUMINGU
1’or Destiny - The Golden Gloves. Destiny ta mantené nan mes den friu.
3’or Mi Deseo kontra di Nos Por. Mi Deseo tin 12 aña ku e liga.
5’or One & Only kontra The Fighters.
Sòftbòl Femenino Veterano na nivel. Kòrda e lema ta ”Gosa nos ta Gosa”.
Awa di lamunchi i warapa lo no falta den e ambiente aki.
RESULTADONAN
Djabièrnè 12 di sèptèmber
The Fighters 8, Nos ku Nos 6
E ekipo The Fighters a bati 6 hit i nan a hasi 5 eror.
Ganadó tabata Sevilla Martina, miéntras Mervila Basilia tabata e mihó na bate.
Nos ku Nos tabatin 7 hit i nan a kometé 3 eror.
Maudrith Faneyte a pèrdè i Dalilah Martina a bati di 2-2. Ester Servanie tambe a bati di 2-2.
Dalilah Martina a konektá un homerun.
Nos Por 7, The Golden Gloves 0
Nos Por a gana pa defolt!
Djadumingu 14 di sèptèmber
Destiny 12, Golden Gloves 0
Destiny tabatin 12 inkogibel i nan a pifia na 1 okashon.
Dariella Nivillac a bai ku e viktoria i Norinda de la Cruz a bati di 2-2.
Eligia Pauletta a bai di 1-1.
Golden Gloves a bati 2 hit i nan a kometé 5 eror.
Elvia Manuel tabata esun ku a pèrdè.
Haydee Fransisca i Sonilda Constancia a bai di 2-1.
Mi Deseo 6, The Fighters 5
Mi Deseo a bati 11 hit i nan a hasi 3 eror.
Picher ganadó a resultá Marelva Puriel, miéntras Patricia Saturnino a bati di 3-3. Carelda Boon a bai di 2-2.
The Fighters tabatin 7 hit i nan a hasi 2 eror.
Pèrdèdó tabata Sevilla Martina. Xiomara Fransisca a bati di 2-2 i Giselle Benoit a bai di 1-1.
No comments:
Post a Comment