Santa Rosa Memories ta blankia Vosama den Beisbol Veterano

WILLEMSTAD - Beisbol Veterano a kontinua den fin di siman na Vi Jansen ballpark. Santa Rosa Memories ku picheo di Momon Martina a blankia Vosama ku skor di 5-0. Softballcuracao.com tin resultado di e weganan di siman pasa.


Sta Rosa Memories ta blankia Vosama ku skor di 5 pa 0
Pa Sta Rosa 5 kareda 9 hit i 2 eror.Picher ganado Momon Martina. Miho bate Beer Adelina di 2 – 2. Pa Vosama 0 kareda 4 hit i 1 eror. Picher perdedo Clifton Yziek. Miho bate Fransje Lambertina di 3 – 2.

Azucar ta gana Eagle Veterans ku skor perta di 6 pa 5. Pa azucar 6 kareda 7 hit i 3 eror. Picher ganado Dolfi Mercera. Miho bate Ramses Martes di 1 – 1. Honmerun di Sharlon “Nono” Noor. Pa Eagle 5 kareda 9 hit i 4 eror. Picher perdedo Ewald “Woty’ Alexander. Miho bate Juni Hersilia di 2 – 2.
Sha “ Betesda” Moesker a bati di 4 -2 empuhando e kareda di gana pa e sotanero

Nos Union gana di Yesterday ku skor di 5 pa 3. Pa Nos Union 5 kareda 13 hit i 3 eror. Picher ganado Alison Rodriguez. Miho bate Abelino Julia di 3 - 3. Pa Yesterday 3 kareda 3 hit i 2 eror. Picher perdedo Lali Piter. Miho bate Rudsel Poulina di 1 – 1.

Otrabanda a gana di Surprise ku skor di 10 pa 2. Pa Otrabanda 10 kareda 10 hit i 1 eror. Picher ganado Arsenio Servanie. Miho bate Arsenio Servanie di 3 – 2. Pa Surprise 2 kareda 3 hit i 7 eror. Picher perdedo Signal “Paña” Angela. Miho bate Roque Bernadina di 1 – 1..E kampionato ta sigui djasabra awor na velt Salu ku e siguiente weganan. Djasabra pa 3 or tremendo partido ora Sta Rosa Memories topa Azucar. Djadum,ingu pa 10.30 Eagle Veterans kontra Nos Union. Pa 13.00 The Bears kontra Otrabanda. 15.30 Vosama lo topa Surprise. Yesterday lo ta liber. Direktiva di Beisbol Veterano di Korsou ke partisipa na tur hungado i fanatiko ku awor por haña resultado di weganan i sifranan kolektivo i individual riba e website www.allprosoftware.net/BEVEKO . Pa kualke informashon of aklarashon tokante sifras por tuma kontakto ku sra. Sharine Antersijn na telefon 562 8776.