Jaws ta zona Baranka 12-3 i Rising Trotters ta gana Navegantes 6-2

WILLEMSTAD = Jaws a dal Baranka duru 12-3 den Liga 40.
Den e di dos wega Rising Trotters ku picheo di Lesley ‘Le’ Martina ta derotá Navegantes 6-2.

RESULTADONAN
Jaws 12, Baranka 3
Jaws a konektá 18 hit i hasi 2 eror. Gurtney Adriana a gana i Fransje Lambertina a bati di 4-4. Roderick Postina i Charles Daal a bai di 3-3.
Arlyson Rodriguez ‘A-Rom’ tabatin un homerun.
Baranka a bati 4 hit i hasi 2 eror. Sharlon Hanst a pèrdè i Djuric Morales a bati di 1-1.

Rising Trotters 6, Navegantes 2
Rising Trotters di Naai Hooi a dal 8 hit i hasi 2 eror.
Lesley Martina a gana despues di hopi tempu i Albertico Leito a bati di 1-1.
Frensel Mercelia a bati di 1-1.
Navegantes a dal 8 hit i hasi 4 eror. Lesley Conradus a resultá e picher pèrdèdó i Gerald Riley a bati di 2-2. Lesley Conradus tambe a bati di 2-2.

KONTINUASHON
Liga 40 ta sigui djamars 16 di sèptèmber ku dos wega.
Pa 7.30 Navegantes ta topa ku Exito i 9.30 Jaws - Swift.
E wega di Jaws kontra Swift ta kandela ruman. Dos ekipo ku ta luchando pa klasifiká den e promé kuaternan.