Los Unidos ta laga Latin Caribe den tereno i klasifiká pa play-off

WILLEMSTAD - Los Unidos a bini bèk despues di tabata atras 10-4, nota 3 kareda den di 5 inning i 4 den di 6 inning. Latin Caribe ta gana ku skor di 13-10 pa asina klasifiká net net pa Round Robbin di Liga Amstel.
Los Unidos a terminá ku rekòrt di 9-9 empatá ku Carpatula, Chincho Sharks i Omel. Omel a keda afó debí na diferensia di kareda kontra.
Round Robbin di Liga Amstel ta start djabièrnè awor


KLASIFIKADONAN
E ekiponan ku a klasifiká pa Round Robbin ta:
Skarlo, Bombers, Padres, Chincho Sharks, Los Unidos i Carpatula.

STANDING FINAL
Skarlo 17-1
Bombers 16-2
Padres 13-5
Chincho Sharks 9-9
Los Unidos 9-9
Carpatula 9-9
Omel 9-9
Latin Caribe 6-12
Bad Boys 2-16
Pa Gosar 0-18

RESULTADONAN
Los Unidos 13, Latin Caribe 10
E ekipo Los Unidos a bati 18 hit i nan a hasi 4 eror.
Glen Pieternella tabata esun ku a gana, miéntras Rolando
Barbara a bati di 3-3, inkluyendo un homerun..
Michelangelo Lak a bai di 2-2. Curtly Schoop tambe a konektá un homerun.
Latin Caribe a bati 12 hit i nan a hasi 2 eror.
Javier Marmol a sufri e derota i Carlos Gil a bati di 3-2. Jean Casilio a bai di 4-3.

Carpatula 19, Chincho Sharks 5
Carpatula a bati 18 inkogibel i nan no a kometé pifio.
Roël Matrona a bai ku e viktoria i Jair Josepha a bati di 2-2. Patrick Eliza tambe a bati di 2-2.
Jair Josepha a konektá 2 bataso di kwater skina.
Chincho Sharks tabatin 8 hit i nan a kometé 3 eror.
Giovanni Maduro tabata e pèrdèdó i Elarau Kleinmoedig a bati di 2-2.

Skarlo 17, Padres 3
Skarlo tabatin 20 hit i nan a kometé 2 eror. Edison Sambo tabata e ganadó, miéntras Robertico Ramazan a bai di 3-3 inkluyendo un homerun.
Emerick Agatha tambe a bai di 3-3. Mairon Martinus, Lindomar Cathalina i Silvio Cruz a konektá un homerun.
Padres a bati 10 inkogibel i nan a pifia na 2 okashon.
Faisel Pereira tabata e pèrdèdó i Edwin Thielman a bati di 2-2.