Swift ta blankia Lions 18-0 den Liga van Engelen

WILLEMSTAD- Swift a gana Lions fásil 18-0 i ta keda number dos den Liga van Engelen tras di Buena Vista Power ku tin un wega mas hungá.
Baranka I Uniko tambe a gana nan kontrinkante, miéntras Navegantes a pèrdè pa defolt.

Liga van Engelen falta 3 fecha mas pa terminá buèlta number 2 i sigui pa play-off. E ekiponan ku a klasifiká pa play-off ya ta konosí. Ta trata di Buena Vista Power, Baranka, Swift i Dalpega. Entre Buena Vista Power, Baranka i Swift lo disidí den e último tres weganan kua ekipo ta klasifiká na di 1, 2 i di 3 lugá.

Swift 18, Lions 0
Swift a dal 18 hit i hunga sin eror. Harold Rosinda a gana. Joel Angelista a bati 5-4 i Silvio Cruz a bati di 4-3. Jurgen Kronstadt tambe a bati di 4-3. Jair Josepha, Silvio Cruz i Julien Ignacio a bati un homerun.
Lions a konektá 4 hit i hasi 3 eror. Isaac Francees a resultá e picher pèrdèdó.
Churney Hoyer, Wendell van het Kruys i Robert Anastacia a bati di 2-1.

Quisqueya 7, Navegantes 0
Quisqueya a gana Navegantes pa defolt (forfeit). Defolt no ta kai fásil den van Engelen.

Uniko 7, Crazy Tigers 6
Uniko a bati 11 hit i hasi 1 eror. Gustaaf Barhorst a gana i Shannon Kleinmoedig a bati di 3-3.
Crazy Tigers a bati 9 hit i hasi 3 eror. Frank 'Sweet Music' Raphael a resultá e picher pèrdèdó.
Sherwin Locadia a bati di 1-1.
Stanley Palm i Rolin Eustatius tabatin un homerun.

Baranka 16, Jaws 3
Baranka a konektá 21 hit i hasi 2 eror. Glendomar Davelaar a gana i Sepherine Adriana a bati di 3-3. Stanford Landburg a bati 2 homerun i Randolph Balentina 1.
Jaws a konektá 7 hit i hunga sin eror. Ivan 'Kid Boca Chica' Schoobaar a pèrdè. Clifford Domatilia, Alexander Bernabela i Bryon Kook a bati di 3-2