The Champions ta dal Nos Goso 10-0 den Play-off The Champions League

WILLEMSTAD - Play-off The Champions League a sigui djabierne 22 di ougustus den oranan di anochi na Frank Curiel Ballpark.
Den e wega bálido pa play-off femenino veterano The Champions a dal Nos Goso feros ku skor di 10-0.
Den Komersial Coca Cola a eliminá Building Depot i UNA a pasa pa final ganando di Kooyman.

RESULTADONAN
The Champions 10, Noso Goso 0
The Champions a dal 14 hit i hasi 2 eror. Marelva Iltes a gana i Sherry Howell a bati di 2-2. Sherry Howell tabatin un homerun.
Nos Goso tabatin 3 hit i nan a hunga sin kometé eror.
Carlintje Cleofa a pèrdè. Girela Isabella a bati di 3-2 i Murielle De Jongh a bati di 1-1.


Ekipo UNA fuerte den The Champions League

UNA 4, Kooyman 3
UNA a pasa pa final di play-off Komersial Femenino ganando Kooyman 4-3.
UNA a dal 9 hit i hasi 3 eror. Farah Andrade a gana. Milady Pereira i Hemy Bernardus a bati di 2-2.
Kooyman a bati 4 hit i hasi 2 eror. Ignadely Garcia a pèrdè i Susmaline Rifaela a bati di 1-1. Kooyman ta na bida den e kompetensia.

Coca Cola a gana Building Depot a saka nan for di play-off Komersial Maskulino.
Coca Cola a gana ku skor di 12-9. Coca Cola di nos amigu Lonchi Wong i Eddie Thielman a bati 7 hit i hasi 2 eror. Sharlon Martis a gana i Remy Thielman a bati di 2-2. Steven Thomas a bati di 3-3.
Building Depot a dal 12 hit i hasi 3 eror. Marlon Noor a resultá e picher pèrdèdó. Sendley ‘Traha Nòmber’ Reina a bati di 3-2. Glendomar Davelaar, Ellis Baptist i Steven Rogers tambe a bati di 3-2.