Pronto lo tin artíkulonan deportivo i di beisbòl di Mizuno na Kòrsou

WILLEMSTAD - Den luna id yüli di lomba tabata aki na Kòrsou e representante di Mizuno na Atlanta, Ga., Jamil Mandani.
Sr. Mandani a bini Kòrsou pa promé biaha huntu ku su amiga Rose i a hospedá na Marriott Beach Resort & Emerald Casino.
Ela keda sumamente enkantá ku Kòrsou i e hotèl.
Den un kombersashon ku nos sr. Mandani a bisa, ku ta inkreibel bo ta habri bo porta patras di bo kamber i bo ta kana sinku meter i drenta un laman kristalino. Ta sigur ku e lo ta bèk aki na Kòrsou pronto.
Jamil Mandani ta un bon amigu di Andruw Jones, ya ku sr. Mandani tabata traha komo bat boy i tambe den kamerin di Braves di 1998 pa aña 2001.


E tabata tira práktika di bateo tambe pa Jones.
E ta ku Mizuno for di 2005 i ta representá e kompania aki den e área di Atlanta, Florida, Alabama, Tennessee, Louisiana, Arkansas i dor di su amistat ku Andruw awor ku Kòrsou tambe i AJ Sports.
Esaki ta un paso pa mira si nan por bai drenta área di Karibe
tambe.
No tin representante den Karibe.
El a trese muestra di nan artíkulonan pa beisbòl pa aña 2009. Tin algun artíkulo sumamente inovativo pa loke ta spaik, “catcher's outfit", i wante.
Nan ta traha tambe unifòrmnan, "batting gloves" i sapatunan na e kantidat ku e ekiponan ta deseá i ku nan
kolónan.
Mizuno no ta traha artíkulonan pa beisbòl so, pero tambe ta tòp den Vòlibòl, Atletismo i Gòlf.
Na Merka kasi 80 porshento ta usa artíkulonan di Vòli marka Mizuno.
Jamil Mandani a bisa ku e lo ta na Kòrsou pronto ku mas artíkulo di Mizuno.