Buena Vista Power ta zona Dalpega 16-0 ku picheo di Naai Hooi

WILLEMSTAD - Buena Vista Power ku picheo di Naai’ Zumaya; Hooi ta gana Dalpega 16-0 den Liga van Engelen ayera.
Naai a presentá ku un picheo sólido i Dalpega dirigí pa ruman di Naai Hooi, Gigi Hooi no tabatin niun chèns.
Ludwig Pietersz tabata grandi ku dos homerun largísimo. Gilbert Juliet tambe a dal dos homerun.

Swift 9, Jaws 8
Swift a laga Jaws den tereno. Un derota tristu pa Jaws i Kid Boca Chica.
Jaws tabata te den último inning 8-5 ku bon picheo di Patrick Laken.
Jaws ta kai den otro i Swift ta bòltu e skor a puro palo pa laga Jaws den tereno.

Skarlo 9, Bombers 8
Den Liga Amstel, Skarlo ta laga Bombers den tereno 9-8 riba eror di shortstop den último inning. E wega tabata pèrtá den e parti final.
Skarlo tabata dilanti durante henter e wega pero Bombers ta nota varios kareda den e parti final i hasi e wega pèrtá.
Tabatin varios ekspulshon den e wega aki ku tabata realmente kayente den e parti final. Den kurso di siman nos tin mas detaye.