Den fiesta di bataso CDM Stars ta vensé Coca Cola 20-19

WILLEMSTAD - E playoff komersial di The Champions Softball League a start sali ku un wega emoshonante di hopi bataso i kareda ora ku e ekipo favorito di CDM Stars mester a soda hopi pa gana di Coca Cola ku skor di 20 - 19.

Den e wega aki tabatin un gran total di 22 bataso di kuater skina.
CDM Stars a konektá 24 hit i kometé 1 eror. Picher ganadó tabata Jo-Andy Balentina den relevo di Richard Koeiman. Jo-Andy Balentina mes tabata mihó na bate di 4-4 inkluyendo 1 bataso di kuater skina. Otro hungadónan ku a konektá di homerun:
Bertyson Ignacio ku 3, Merieldo Trinidad i Luis Hernandez ku 2, Rachid Mauricio, Suli Cruz,Gergival Cetlin i Jonathan Statia ku 1.
Coca Cola ku por poko a zona un tremendo kampanaso tabatin 21 hit i 1 eror.
Sharlon Nanoy ku a relevá Rudson Eustatia tabata
picher pèrdèdó i na bate a destaká Marlon Martis di 3-3 ku 1 bataso di skina. E otro homerunnan a wòrdu konektá pa:
Ramses Meulens, Churandy Lourens i Marcel Pinedo ku 2, mientras ku Cedric Curiel, Remy Thielman i Sharlon Nanoy ku 1.

SUSTU
Despues di e wega emoshonante aki Coca Cola a bisa dok “UN SUSTO TA MAS EFEKTIVO KU UN GOLPI”


Airport 17 - Breezes 7
Airport a bati 15 hit i kometé 2 eror. Ludson Elisabeth tabata picher ganadó i mihó na bate Jurick Floranus di 4-3. Tur su 3 batasonan tabata di kuater skina. Otro hungadónan ku 1 homerun: Jeffrey Thompson, Shahairy Eustatia, Elogio Martina, Rendell Seferina i Joël Balentina ku un homerun den parke.
Breezes tabatin 11 hit i 7 eror, ku tabata e kousa di nan derota. Picher pèrdèdó tabata Inyerson Gonzalez. Luigi Schenker i Otmar Martina a bati di 3-3. Alejandro Wyatt i Carlson Henry ku 1 homerun. Ku e derota aki e ekipo di Breezes ta keda eliminá.

E weganan di playoff komersial ta kontinuá den fin di siman na Frank Curiel Ballpark.