Swift mester a lucha pa gana Crazy Tigers, Navegantes a nòkout Lions 16-1 den Liga van Engelen

WILLEMSTAD Liga van Engelen a kontinuá djadumingu 3 di ougustus 2008 na Suvek Ballpark.
Navegantes a dal Lions durísimo ku skor di 16-1. Lesley ‘Le’ Martina a presentá den gran forma pa bai ku e wega.
Den otro wega Swift mester a lucha formal pa gana Crazy Tigers. Swift a gana Crazy Tigers te den último inning pa laga nan den tereno.

RESULTADONAN
Navegantes 16, Lions 1
Navegantes a dal 13 hit i hasi 1 eror. Lesley Martina a gana i Sherman Schoop a bati di 2-2. Aldrin Paesch a bati 2 homerun.
Lions tabatin 7 hit inan a hasi 5 eror. Lionel Elisabeth a pèrdè i Jeffrey Thompson a bati di 3-3.

Swift 13, Crazy Tigers 12
Swift a konektá 19 hit i nan a hasi 2 eror. Johan Cicilia a gana i Edphrim ‘Vriendjes’ Cicilia a bai di 4-4. Sandy Marceli a bati di 2-2.
Vriendjes Cicilia, Dave Kirindongo, Eldred Juliana i Donovan Seferina a bati un homerun.
Crazy Tigers a dal 11 hit i hasi 3 eror. Frank Rafael a pèrdè.
Michael Silvania, Rolin Eustatius, Roderick Eustatius i Michael Huyzen a bati di 3-2.

Buena Vista Power 14, Uniko 2
E ekipo Buena Vista Power a bati 16 inkogibel i nan a pifia na 2 okashon. Norman de Roon a bai ku e viktoria i Robert de Windt a bai di 2-2.
Ludwig Pietersz, Irving Sambo i Gilbert Juliet a bati un bataso di kwater skina.
Uniko a bati 2 hit i nan a kometé 1 eror.
Pèrdèdó tabata Railyson Gijsbertha.
Bertyson Ignatia a bai di 2-2, inkluyendo 1 homerun.

Dalpega 8, Jaws 6
Dalpega tabatin 11 hit i nan a hasi 1 eror.
Ganadó a resultá Michelangelo Boekhoudt, miéntras Robertico Ramazan a bai di 2-2.
Pa Jaws 10 hit i 2 eror.
Hilario de Freitas a pèrdè i Clifford Domatilia a bati di 3-2.