WILLEMSTAD -- Kontra di tur espektativa, e Allstar Game di Beisbol Doble A ku a tuma luga djasabra ultimo den Stadion di Rif na Otrabanda, a resulta un eksito total. Despues di hopi tempu, bastante fanatiko a haña kaminda pa stadion i a disfruta inmenso di un evento ku direktiva aktual di FEBEKO a hinka tur loke ku nan tabata tin aden.
DAVE KIRINDONGO KAMPION HOMERUN DERBY
Manera ta konosi, for di atardi a kuminsa ku e homerun Derby ku representantenan di e 7 ekiponan den Doble A. Na final, Dave Kirindongo a resulta pa di dos aña e kampion di Homerun Derby. Den e prome buelta ela dali tres i den final e tabata tin mester di dos pa gana. Lugien Fluonia di Blue Hakws a keda na di dos luga.
ALLSTAR GAME UN EKSITO TOTAL
Federashon di Beisbol di Korsou a hasi su esfuerso maksimo pa por a organisa e Allstar Game 2008. E Allstar Game aki no por a bira realidat sin algun sponser ku a pone nan skiouder bou di FEBEKO. Aki nos ta referi na Amstel i Heinenen, Pepsi, Pop, pero tambe Insel Air ku a pone un premio di porta ku tabata un biahe pa Republika Dominikana. Savanah Resort tambe a pone premio disponibel i TV 11 ku a hasi su debut den Beisbol di Korsou.
Por ultimo, Federashon di Beisbol ta gradesi e publiko grandi ku a haña direkshon pa Stadion di Rif, kaminda nan a disfrutanto inmensamente di un evento ku a keda organisa no solamente pa e hungadonan, pero tambe pa e publiko ku a akudi na gran kantidat, tantu den nos sekshon di VIP, pero tambe sekshon general ku a disfruta inmensamente.
Primeramente esnan ku a yega na tempu a disfruta di Gio Fuertisimo i despues na final di un tremendo grupo di Tambú.
FEBEKO ta sumamente agradesido na tur e e-mailnan positivo ku nos a risibi pa e evento ku FEBEKO a organisa. Ku positivismo, nos ta logra pone Beisbol di Korsou bek kaminda e mester ta. Un biaha mas danki.
No comments:
Post a Comment