Domi, Veteranos i Revelation Stars empatá na promé lugá den Liga Amistad

WILLEMSTAD - Domi, Veteranos i Revelation Stars ta number unu den Liga Amistad 2008 ku rekòrt di 6 ganá i 1 pèrdí.
Djadumingu awor 4’or Domi lo enfrentá Veteranos i un di e ekiponan aki lo mester bai dos pèrdí.
Bon públiko ta bishitando e weganan di Liga Amistad tur djadumingu na Ricardo Elhage Ballpark na Zapateer.

GGD 16, Emiliano All Stars 9
E ekipo GGD a bati 12 hit i nan a hasi 2 eror.
Cedric Curiel tabata e picher ganadó, miéntras Jurwin Duggan a bai di 4-3 inkluyendo un homerun.
Norvaniel Aniseta tambe a konektá un homerun.
Emiliano All Stars tabatin 7 hit i nan a hasi 1 eror.
Javier Marmat tabata e pèrdèdó i Carlos Gil a bai di 3-2.
Carlos Gil a konektá 2 bataso di kwater skina i Raul Hernandez unu.

Molester 4, MNO Vervat 2
Molester tabatin 6 hit i 1 eror.
Stanley Lopez a gana i Anchel de Palm a bai di 3-2.
Stanley Lopez a konektá un homerun.
Pa MNO Vervat 4 hit i 2 eror.
Marlon Ricardo a pèrdè i Ansjelino Rijnschot a bati di 2-1.
Mairon Willems a konektá un homerun.

Robbie's Lottery 11, Botika Mampuritu 6
Robbie's Lottery a bati 11 inkogibel i nan a kometé un pifio.
Ganadó a resultá Francisco Alcantara.
Sharlon Noor i Lindsey Maccow a bai di 2-2.
Botika Mampuritu a bati 10 hit i nan a hasi 4 eror.
Germain Brunken a sufri e derota i Brian Kook a bai di 3-2 inkluyendo un homerun.

Revelation Stars 11, Clase Aparte 8
Revelation Stars tabatin 11 hit i nan a kometé 1 eror.
Gilbert Henrietta a bai ku e viktoria.
Jo-Andy Balentina a bati di 4-4.
Clase Aparte a bati 12 hit i nan a hasi 3 eror.
Pèrdèdó tabata Rolando Castro.
Elmus Poulo a bati di 3-3.

STANDING
1. Domi 6 - 1
2. Veteranos 6 - 1
3. Revelation Stars 6 - 1
4. Magic Softball Team 5 -2
5. GGD 4- 4
6 Molester 3 - 4
7. Nos ku Nos 2 - 5
8. Clase Aparte 2- 5