Latin Caribe ta logra nan di dos viktoria den Liga Amstel

WILLEMSTAD - E ekipo Latin Caribe formá pa varios Latino biba na Kòrsou a gana wega dos siman siguí.
E ekipo no tabatin viktoria i dos siman pasá nan a gana Chincho Stars. E siman aki a toka turno pa Bad Boys risibí sla.
nos tin resultadonan kompletu di Liga Amstel ku ta den fase final di e buèlta regular.

Latin Caribe 14, Bad Boys 10
Latin Caribe a bati 15 inkogibel i nan a kometé 2 pifio. Juan Fernandez a bai ku e viktoria i Willem Peña a bati di 1-1.
Bad Boys a bati 4 hit i nan a hasi 1 eror.
Whitney Lucio a sufri e derota, miéntras Robertico Ramazan a bai di 2-2.
Rigmar Domatilia tambe a bai di 2-2.

Bombers 11, Padres 1
Bombers a bati 12 inkogibel i nan a pifia na 1 okashon.
Ralph Hermans a gana i Dave Kirindongo a bai di 3-3 inkluyendo 2 homerun.
Gensley La Croes, Rachid Jacobs, Luigi Virginie i Shendy Cruz a konektá un homerun.
Padres a bati 2 hit i nan no a hasi eror.
Anthony Servanie a pèrdè.
Merieldo Trinidad i Cedric Valies a bati di 2-1.

Omel 11, Carpatula 3
Omel a bati 14 hit sin kometé eror.
Gilbert Henrietta tabata esun ku a gana.
Ivar Martes a bai di 4-3, inkluyendo un homerun.
Luigi Yanes tambe a konektá un bataso di kwater skina.
Pa Carpatula 8 hit i 3 eror.
Norman de Roon a pèrdè i Roel Matrona a bai di 3-2.

Skarlo 9, Unidos 6
E ekipo Skarlo a bati 10 hit i nan no a hasi eror.
Ganadó tabata Eldred Bakker, miéntras Mairon Martinus a bai di 3-3.
Unidos tabatin 10 hit i nan a kometé 1 eror.
Glen Petronella tabata e pèrdèdó i Rolando Barbara a bati di 4-2. Abigail Vilchez a konektá un homerun.