Buena Vista Power a derotá Baranka 13-9 i tres ekipo na prome luga den Liga van Engelen

WILLEMSTAD - Buena Vista Power ku tremendo relevo di Joël ‘Joey’ Balentina a gana Baranka ku skor di 13-9 djadumingu último den kontinuashon di Liga van Engelen.
E siman aki ta kandela tin na Suvek ora Baranka enfrenta Swift 4’or pm.
Un ekipo grandi mester bai tres pèrdí e wikènt aki.

RESULTADONAN
Buena Vista Power 13, Baranka 9
Buena Vista Power a bati 14 hit i nan a kometé 2 eror.
Ganadó a resultá Joël Balentina, miéntras Erling Gosepa a bati di 4-3.
Ludwig Pietersz a konektá 2 homerun i Gilbert Juliet unu.
Baranka tabatin 7 hit i nan a hasi 3 eror. Glendomar Davelaar a pèrdè i Edmar Cornelia a bai di 3-2.
Mairon Martinus a konektá 1 homerun.

Dalpega 4, Quisqueya 2
Dalpega tabatin 8 hit i nan a hunga sin eror.
Jose Obispo tabata esun ku a gana, miéntras Rachid Jacobs i Amarildo Coffie a bai di 1-1.
Quisqueya a bati 6 hit i nan a hasi 1 eror. Ralph Hermans tabata e pèrdèdó i Wildrin Molina a bati di 3-2. Elmus Poulo tambe a bai di 3-2.

Crazy Tigers 5, Lions 1
E ekipo Crazy Tigers a bati 8 hit i nan a pifia na 3 okashon.
Albertico Isenia a bai ku e

viktoria i Hensley Martinus a bati di 1-1.
Lions tabatin 3 hit i nan no a hasi eror. Frances Isaacs a pèrdè i Rudsel Wilson a bai di 2-1.

Swift 12, Navegantes 2
Swift tabatin 9 inkogibel i nan a kometé 1 pifio.
Johan Cicilia tabata picher ganadó. Edphrim Cicilia a bai di 2-2 i Joël Angelista di 1-1. Jair Josepha a konektá 2 bataso di kwater skina i Djuric Pietersz a konektá unu.
Navegantes a bati 5 hit sin hasi eror. Lesly Martina a sufri e derota.
Ivar Martis a bati di 1-1.