Dennis Neuman subí pa klase A di organisashon di Boston Red Sox

WILLEMSTAD/BOSTON - Dennis Neuman a keda promové di Rookie League pa Gulf Coast League klas A. Den klas A e yu di Kòrsou Dennis Neuman tin un averahe di kareda limpi di 0.00 te ku komienso di ougùstùs.

Dennis ku aktualmente tin 18 aña a firma serka skout Antonio 'Toncha' Simmon dia 17 di òktober 2006.
Dennis ta traha komo 'closer' den e organisa-shon di Boston Red Sox. E tin 8 inning i dos tersio tirá sin permití kareda limpi den 8 aktuashon.
Dia 22 di yüni Dennis a tira su promé wega den Klas A di Boston.
Dennis tabata den e ekipo di Kòrsou (Liga Pariba) di Little League aña 2002.
Dennis tin varios lansamentu, entre otro rekta entre 88 i 90 miya,
slider entre 75-77 i un change up di 80 miya.

Dennis Neuman lansando riba nivel klase A di Boston

Revista Deportivo Kòrsou a entrevista Dennis 'Danny' Neuman den edishon number 71 di 24 di òktober 2002, tempu ku Dennis tabatin 13 aña.
Dennis a nase na Kòrsou dia 18 di òktober 1989 i a hunga den organisashon di Montanja serka Sixto Laker pa despues sigui pa e organisashon Trai Seru serka Lando Chirino i Groot Kwartier serka Gordo van Zanten.
Nos lo sigui e aktuashon di Dennis djaserka.