The Bears i Sta Rosa Memories Scarlet ta den final di beisbol veterano

WILLEMSTAD - E dos ekiponan ku lo bai batayá kontra otro p’e titulo di kampion di beisbòl veterano 2008 ya ta konosí. The Beras i Sta Rosa Memories/ Scarlet a klasifiká pa final.

Sta Rosa Memories/ Scarlet a gana Vosama ku skor di 10 pa 5. Pa Sta Rosa M/Scarlet
10 kareda 8 hit i 2 eror. Picher ganadó Momon Martina. Miho bate Rignald Martina di 2 – 2.
Pa Vosama 5 kareda 6 hit i 6 eror. Picher pèrdèdó Clifton Yziek. Miho bate Fransje Lambertina i Remick Bernadina di 2 -1.


The Bears kampion Beisbol Veterano 2007 i rumbo pa otro titulo.


The Bears di su banda a pasa fásil riba Azucar ku skor di 10 pa 1. Pa The Bears 10 kareda 18 hit i 1 eror. Picher ganadó Deron Clara. Miho bate Jeronimo Daflaar i Jeffrey Martina di 4 – 3.
Pa Azucar 1 kareda 4 hit i 3 eror. Picher pèrdèdó Frank Leuteria. Miho bate Royston Privania di 2 – 1. Final di beisbòl veterano ku e aña aki ta ser dediká na Boy Silvanie i Marco Antonio Rodriguez.ta kuminsá djadumingu awor 16 di november riba velt Vi Jansen na kolebra bèrdè pa 2 or di atardi.

Den Sta Rosa M/ Scarlet dirigí pa Momon Martina nos ta haña diferente hungadonan manera Lilin Martinus. Pitufo Lourens, Pompon Martina, Beer Adelina, Sandy Reina, Bani Coffie, Gregory Reina,Lucho De Windt i Lio Magdalena.

Den e ekipo di Archi Davelaar
The Bears tin; Nelly Jakoba, Wendell Brigitha, Geronimo Daflaar, Jeffrey Martina, Earl Vrginie, Spin Lourens, Shaky Coffie, Deron Clara, Rubelin Nicatia, Victor Caldera i Percey Schoop. Aña pasa tabata e mesun dos ekiponan aki ku a bai final kaminda The Bears a bira kampion. Sta Rosa Scarlet lo kambia kos e aña aki of The Bears lo ripití komo kampion. Beisbol Veterano di Korsou ke invitá tur fanatiko amante di bon beisbol pa bin wak e promé wega di final djadumingu awor.Lo tin animashon musikal pero tambe varios sorpresa p’e publiko ku ta presente.