Veteranos i Domi lo bolbe topa den semi-final Liga Amistad djadumingu, 2 di novèmber

WILLEMSTAD 0 E dos ekiponan ku a hunga final di Liga Amistad lo bolbe topa djadumingu awor na Ricardo Elhage Ballpark.
Domi kampion Liga Amistad 2007 lo topa ku Veteranos den wega number 2.
Weganan lo tuma lugá 1’or i 3 ‘or si ta nesesario.

Veteranos a gana wega number 1 ku skor 15-14.
Nos tin resultado di wega di djadumingu pasá.

Veteranos 15, Auto City 14
Veteranos a bati 25 hit i hasi 5 eror. Sharlon Hanst a gana i Rachit Jacobs a bati di 5-4. Gerthon Matrona tambe a bati di 5-4.
Robertico Ramazan, Gerald Leonora i Sidney de Windt a bati un homerun.

Rachit Jacobs a dal 2 homerun.
Domi a konektá 19 hit i hasi 1 eror. Ellerick Rodriguez a resultá e picher pèrdèdó i Rayen Samuel a bati di 4-4. Dayron Matrona i Kurt Adelina a dal un homerun.

Den e promé wega djadu-mingu Revelation Stars a gana Domi ku skor di 6-2 i pasa pa final di Liga Amistad den nan promé partisipashon di Liga Amistad.
Wim Felicia doño di tim mes a tuma e bala pa hinka su tim den final.
Revelation Stars ta sosegando trankil i ta warda e ganadó entre Domi i Veteranos pa e gran final start djadumingu 9 di novèmber.

Revelation Stars 6, Domi Auto City 2
Revelation Stars a dal 9 hit i hasi 1 eror. Wim Felicia a gana i Abigail Vilchez a bati di 2-2.
Auto City a dal 4 hit i hasi 6 eror. Edwin ‘Edichi’ Martina a pèrdè i Rowel Matrona a bati di 2-2.