Jaws ta dal Caterpillar 9-2 i ta pika dilanti den play-off final Liga 50

WILLEMSTAD - Play-off final Liga 50 a start djasabra último na Cirilo Chirino Ballpark.
E eterno kampion di Liga 50, Jaws ketu bai invikto den 2008 a dal Caterpillar fásil ganando ku skor di 9-2. Jaws mester gana un wega mas pa bira kampion di Liga 50 pa di tres aña siguí.
Den e wega bálido pa di tres i di kuater lugá Lions a gana Marlins 6-2.

RESULTADONAN
Jaws 9, Caterpillar 2
Jaws a dal 11 hit i hasi 3 eror. Julio ‘Papachi’ Heymans a gana i Edgar Maduro a bati di 2-2.
Caterpillar a konektá 4 hit i hasi 3 eror. Wim Felicia a resultá e picher pèrdèdó i 3 batiadó di Caterpillar a bati di 2-1.

Lions 8, Marlins 2
Lions a konektá 9 hit i hunga sin eror.
Felix Arundell a gana i Gustaaf ‘Guus’ Barhorst a bati di 2-2.
Marlins a konektá 5 hit i kometé 3 eror.
Hubert ‘Papi’ Bazoer tabata e picher pèrdèdó i 5 hungadó di Marlins a bai di 2-1.

LIDERNAN
Kampion Bate: Riley Toppenberg (Jaws) 20-34 .566
Lider Homerun: Riley Toppenberg (Jaws), 3 homerun.
Kampion Picher:
Wilfred File (Jaws) 5 ganá i 0 pèrdi.