Selekshon di Liga di Slowpitch ta representá Kòrsou

WILLEMSTAD - Djaweps 30 di òktober un delegashon di Liga Trai Seru a sali pa República Dominicana pa hunga algun wega di Slowpitch.
E delegashon ta konsistí di 21 persona ku Johnny Isabella komo hefe di delegashon. Wellingtong Martina ta asistí Johnny Isabella ko-mo asistente hefe di delegashon.
E hungadónan ku ta bai ku e selekshon ta.

Shahairy Ustasia, Germain Genaro, Carlos Gil, Omar Molina, Lisandro Sophia, Dayron Matrona, Sudangelo Willems, Wentley Silberie, Jerry Paulina, Andy Ernestina, Eugene Constancia, Hainrick Martina, Winston Kirindongo, Pong Pong Plantijn, Wendel van het Kruys. Manager di e selekshon ta Zoontje Rodriquez, Cleofa ta coach, hefe di delegashon ta Johnny Isabella. Wellingtong Herrera Martina ta representante di e delegashon na Santo Domingo, Atlee Chirino ta delegado i Terrance Chirino ta bai komo batboy i kargadó di bate.
E delegashon tei bèk dia 6 di novèmber 2008. Un danki speshal na Minguel Coco Geurero Hefe di Duana i sr. Wellingtong Herrera Martina na Kòrsou ku a prepará un bon resepshon pa e delegashon. E grupo a biaha ku nos kompanía di aviashon INSEL AIR.