Claycandy Hariquez ta tira no hit no run pa Kòrsou Pabou gana Puerto Rico 11-0

WILLEMSTAD - Claycandy Hariquez a tira no hit no run djasabra anochi pa e ekipo di Kòrsou Pabou gana Puerto Rico ku skor di 11-0.
Un públiko grandísimo tabata presente na Little League Ballpark pa mira e wega entre Kòrsou Pabou i Puerto Rico ku a tuma lugá despues di e apertura ofishal.
E apertura ofishal tabata tremendo ku desfile di e ekiponan i palabra di Diputado di Deporte sra. Marylin Alcalá-Wallé i District Administrator sr. Victor Elhage.

Kòrsou 11, Puerto Rico 0
Claycandy Hariquez komo picher habridó di Kòrsou a tira 6 inning sin permití hit ni kareda na e ekipo di Puerto Rico.
Kòrsou a bati 11 hit i kometé 1 eror. Claycandy Hariquez tabata e picher ganadó tirando 15 ponche. Claycandy Hariquez a bati di 4-3 ku dos homerun den tereno. Claycandy tabatin 5 kareda empuhá, Junters Dosset a bati di 4-2 ku un homerun.
Puerto Rico no tabatin hit ni kareda. Ivan Rodriguez tabata e picher pèrdèdó.

Boneiru 8, Sint Maarten 5
Boneiru a gana Sint Maarten 8-5 den e promé wega di e di 9 kampionato di Karibe.
Boneiru a konektá 10 hit i kometé 6 eror. Aygeron Chirino a gana den relevo di Yamir Arindell. Aygeron Chirino a bati di 2-2, Cerilio Soleana di 3-3 i Raï Cicilia di 2-2.
Sint Maarten a bati 3 hit i hunga sin kometé eror. Jahmal Constance tabata e picher pèrdèdó. Martel Hartley i Edricio Brooks a bati di 2-1. Denzel Brooks a bati di 4-1.



Aruba 8, Sint Maarten 1
Aruba ta gana Sint Maarten relativamente fasil 8-1.
Aruba a konektá 10 hit i hasi 1 eror. Luis Pelajo tabata e picher ganadó. Ela bai henter e ruta. Luis Pelajo mes tabata mihó batiadó bayendo di 3-2.
Sint Maarten a konektá 4 hit i kometé 3 eror. Denzel Brooks a resultá e picher pèrdèdó.
Ela picha 5inning i 2 tersio. Edricio Brooks a saka e último out.
Martel Hartley a bati di 3-2.

Kòrsou Liga Willemstad 2, Republica Dominicana 1
Kòrsou ku tremendo picheo di Miguel Pena Matos ta gana di Republica Dominicana ku skor di 2-1.
Miguel Pena Matos a tira 5 inning i un tersio i tira 16 ponche. Ke men tur e outnan ku Miguel a saka ta pa medio di ponche.
Sander Boeldak a relevá e picher Miguel Pena Matos i salba e wega.
Ku Willemstad gana den último inning ku skor di 2-0 Republica Dominicana a konektá 3 hit sigui pa nota un kareda pero e relevista Sander Boeldak ta poncha a dos último batiadónan pa salba e wega.
Willemstad a dal 4 hit i hunga sin kometé eror. Miguel Pena Matos a gana i Issachar Pereria i Sander Boeldak a bati di 1-1.
Republica Dominicana a dal 4 hit i hasi 1 eror. Marcos Diplan tabata e picher pèrdèdó, ela risibí relevo di Rayni Portes i Roger Santana.

Liga Pabou 22, Bermuda 0
Liga Pabou a dal 17 hit a hunga sin kometé eror. Diorson Lourens a gana i Claycandy Hariquez a bati di 5-5.
Bermuda a konektá un hit i komete 4 eror. K.J. Moreno tabata e picher perdedo i Abraham Saul a bati di 2-1.