WILLEMSTAD - Jaws White Label di Kid Boca Chica a suta Navegantes ku skor di 20 pa 4 den Liga van Engelen djadumingu último.
Destroyers a gana Dalpega 13-6.
Awe nos tin resultado di Liga van Engelen.
Jaws 20, Navegantes 4
Jaws a konektá 19 hit i kometé 1 eror.
Patrick Laken a gana i Sudangelo Williams a bati di 5-5.David Hoogenbergen a bati di 2-2. Juvenal Leonora a konektá un homerun.
Navegantes a dal 7 hit i hasi 4 eror. Luigi Sint Jago a pèrdè i Fardy Lard a bati di 2-2. Aron Boelbaai i Egbert Polonius a konektá homerun.
Uniko 15, Quisqueya 9
Uniko a konektá 17 hit i hasi 2 eror. Shurendly de Lima tabata e picher ganadó i Tjark Valies a bati di 4-4.
Omar Valies a bati di 1-1. Leticio Rosa tabatin un homerun.
Quisqueya a bati 10 hit i hasi 3 eror. Rolando Castro a pèrdè i e mes a bati di 1-1. Willem Lockhart a bati un homerun.
Baranka 14, Crazy Tigers 4
Baranka a bati 15 hit i hasi 1 eror. Kenrick Hellement a gana i Sepherine Adriana a bati di 3-3. Sepherine 'Dugel' Adriana a bati un homerun. Senny Petronella i Mayron Martinus tambe a konektá un homerun.
Crazy Tigers a dal 7 hit i kometé 3 eror. Junny Pieter a resultá e picher pèrdèdó i Urly Cijntje a bati di 3-2.
Destroyers 13, Dalpega 6
Destroyers a konektá 8 hit i kometé 1 eror. Rignald Hooi tabata e picher ganadó i Ludwig Pietersz a bati di 3-2 ku un homerun.
Sherton Saturnino i Michelangelo Cijntje tambe a konektá un homerun.
Dalpega a bati 7 hit i hasi 6 eror. Anthony Servanie a pèrdè. Norvaniel Aniceto i Ericson Senior tabatin 1 homerun.
No comments:
Post a Comment