Happy Stars a ‘blackout’ Q-Rangers i Caterpillar a nòkout Swift den Liga 40

WILLEMSTAD - Djamars anochi tabatin un blackout i un nòkout na Suvek Ballpark.
Den e di dos partido Happy Stars a blackout Q-Rangers fásil 15-0. E promé wega ku mester a bira un tremendo partido a terminá den un nòkout fásil pa Catpower riba Swift.

Catpower so ta na promé lugá awor, siguí pa Swift i Happy Stars empatá na puesto number dos.
Weganan ta sigui djaweps na Suvek Ballpark

RESULTADONAN
Caterpillar 20, Swift 8
Caterpillar a dal 19 hit i hasi 3 eror. Norman de Roon a gana i Sherman 'Cai' Leonora a bati di 4-4. Sedeney 'Spin' Lourens di 2-2.
Cai Leonora, Spin Lourens, Pursey Schoop i Winston Kirindongo (The Bears Connection) a konektá un homerun.
Swift a bati 11 hit i hasi 3 eror. Wilfred File a pèrdè i Julien Ignacio a bati di 3-2.

Nos tin numeritonan di e wega ku Happy Stars a blackout Q-Rangers.
Happy Stars 15, Q-Rangers 0
Happy Stars a konektá 16 hit i hasi 1 eror. Gilbert Henriette a gana i Charlton 'Willy' van Thijs a bati di 3-3. Edison Sambo tambe a bati di 3-3. Willem Felicia, Cedric Valies, Roderick Postina, Franklin Benito i Ludwig Pietersz a konektá un homerun.
Q-Rangers a konektá 3 hit i hasi 1 eror. Ralph Hermans a pèrdè i Ludwig Jonis a bati di 1-1.