WILLEMSTAD - Liga Pabou di Kòrsou a gana Liga Willemstad ku skor di 4-0 den un tremendo partido pa asina bira kampion di Karibe 2009. Un públiko grandisimo a bai Little League Ballpark pa mira e gran final djasabra 25 di yüli den oranan di atardi.
Ta di 9 biaha siguí ku Kòrsou ta bira kampion di Karibe. Liga Pabou a bira kampion di Karibe pa di 7 biaha siguí.
Claycandy Hariquez a tira wega kompletu i bati di 3-2 i tabata e strea grandi di e wega.
Puerto Rico 6, República Dominicana 1
Puerto Rico a konektá 9 hit i kometé 1 eror. Christiaan Diaz a gana. Luis Alvarado i George Torres a bati di 3-2.
República Dominicana a bati 2 hit i hasi 2 eror. Ronal Guitierez a resultá e picher pèrdèdó. Ivan Paulino i Christopher Luciano a bati di 2-1.
Liga Pabou 4, Liga Willemstad 0
Liga Pabou a konektá 7 hit i hunga sin kometé eror. Claycandy Hariquez a gana i e mes a bati di 3-2. i Ilidion Martina a bati di 1-1.
Rishendley Bicentini i Rubiangelo Monte a konektá un homerun.
Liga Willemstad a bati 3 hit i kometé 1 eror. Sander Boeldak a resultá e picher pèrdèdó i e mes a bati di 3-2.
Kampion; Korsou Liga Pabou
Sup-Kampion: Korsou Liga Willemstad
Di Tres Luga: Puerto Rico
Di Kuater Luga : Republica Dominicana
Ekipo mas disiplina: Liga Willemstad
No comments:
Post a Comment