Liga Willemstad ta logra su di dos viktoria ganando Sint Maarten

WILLEMSTAD - Liga Willemstad ku tremendo picheo di Dexler Macaay ta gana Sint Maarten ku skor di 7-0 ayeranochi na Little League Ballpark. Tabatin bon públiko ayera atrobe pa mira e weganan. Liga Willemstad tin rekòrt di 2 gana i 0 pèrdí ku bon chèns di klasifiká den nan pul. Liga Pabou tabatin un dia di deskanso ayera. Aruba a gana Boneiru ku skor grandi i nan tambe tin rekòrt di 2-0.

Willemstad 7, Sint Maarten 0
Willemstad a konektá 6 hit i hunga i kometé eror. Dexler Macaay a gana ku relevo di Ishuar Martina. Reuxwell Nepomuceno a bati di 2-2. Miguel Peña Matos di 4-2.
Sint Maarten a konektá un hit i kometé 6 eror. Edricio Brooks a pèrdè i Denzel Maccow a bati di 1-1.

OTRO WEGANAN
Puerto Rico 6, Virgin Islands 1
Puerto Rico ku bon picheo i bateo di Luis Alvarado a gana Virgin Islands ku skor di 6-1.
Puerto Rico a pone nan rekòrt 1-1 den Pul A. Nan a bati 10 hit i kometé 3 eror. Luis Alvarado tabata e picher ganadó i e mes a bati di 3-2 inkluyendo un homerun.
Virgin Island a dal dos hit i kometé 6 eror. Leonardo Castillo a resultá e picher pèrdèdó i Evanson Mathew a bati di 3-1. Leonardo Castillo tambe a bati di 3-1.


Aruba 19, Boneiru 2
Aruba ta nota 10 kareda den promé inning pa finalmente gana Boneiru ku skor di 19-2 djaluna atardi.
Ku e viktoria Aruba su rekòrt ta bira 2-0 i ta lider te na e momentunan aki den Pul B.
Aruba a dal 12 hit i hunga sin kometé eror. Ritchenel Thiel a gana i Luis Pelajo a bati di 3-3.
Boneiru a konektá 5 hit i kometé 4 eror. Rafnat Emerenciana tabata e picher pèrdèdó. Melrick Sint Jago i Yamir Arindell a bati di 1-1.

Standing

Pul A
Liga Pabou 2-0
Puerto Rico 1-1
Virgin Islands 0-1
Bermuda 0-1

Pul B
Aruba 2-0
Liga Willemstad 2-0
Boneiru 1-1
Republica Dominicana 0-1
Sint Maarten 0-3