Veteranos San Marco ta nòkout Nos ku Nos 10-0 den Liga Amistad

WILLEMSTAD - Veteranos San Marco a gana fásil di Nos ku Nos Botika Mampuritu 10-0 siman pasá den Liga Amistad.
Kenchi ‘MCB’ Ortega a tira relatívamente fásil pa gana e wega.
Den otro wega pisá Revelation Stars a para e racha ganadó di Domi.

Veteranos San Marco 10, Botika Mampuritu 0
Veteranos a konektá 20 hit i hunga sin kometé eror. Kenneth Ortega a gana i Gerton Matrona a bati di 2-2.
Sharlon Louisa, Winston Kirindongo i Kenneth Ortega tabatin un homerun.
Botica Mampuritu (Nos ku Nos) a dal 7 hit i kometé 2 eror. Glendomar Davelaar tabata e picher pèrdèdó i Humphrey Antonia a bati di 3-2.

Magic 12, Molester 10

Magic a konektá 13 hit i hasi 1 eror. Ramon Cabrera a gana i e mes a bati di 2-2.
Molester tabatin 11 hit i nan a kometé 3 eror. Giovani Maduro a pèrdè i Shelton Daal a bati di 3-3.
Wendell van het Kruy’s i Orlando Gerard tabatin un homerun.

Revelation Stars 11, Domi Auto City 6
Revelation Stars di Wim Felicia a bati 12 hit i kometé 2 eror. Wim Felicia mes tabata e picher ganadó i Hellary Plantijn a bati di 3-3. Merieldo Trinidad di 4-3. Roderick Postina i Jair Josepha tabatin un homerun.
Domi a bati 10 hit i hasi 3 eror. Ellerick Rodriguez a resultá e picher pèrdèdó i Luigi Bakmeijer di 3-3.
Heinrich 'Pa' Martina i Ellerick Rodriguez a konektá un homerun.

Emiliano All Stars 17, GGD 6
Emiliano a konektá 19 hit i hasi 1 eror. Carlos Leito a gana. Yensi 'Chamo' Lopez i Darwin Blanquicet a bati di 3-3.
Darwin Blanquicet i Carlos Madera a bati un homerun.
GGD di Pipi Pieter a dal 5 hit i hasi 2 eror. Donald Adelina a pèrdè i Cedric Curiel a bati di 3-2.