The Bears ta gana Santa Maria Food Center 7-3

CAS CHIKITU -The Bears ta number unu den beisbòl Veterano ku solamente un wega pèrdí. Djadumingu na Vi Jansen Ballpark na Cas Chikitu e ekipo nobo den Beisbòl Veterano, ekipo The Bears di Archie Davelaar a dal Santa Maria Food Center ku skor di 7-3 i asina bai su so na promé lugá ku rekòrt di 9-1.
Den un tremendo partido Santa Rosa Memories ta gana Yesterday ku skor di 6-5 ku picheo di Edmond ‘Momon’ Martina.

Djasabra 11 di ougùstùs
Otrobanda 5, Vosama 3
E ekipo Otrobanda a bati 8 hit i nan a kometé 1 eror.
Riley Toppenberg a resultá e picher ganadó i e mes a bai di 2-2.
Eithel Mercelina a bati di 1-1.
Vosama a bati 5 hit i hasi 4 eror.
Fransje Lambertina a pèrdè, miéntras Remick Bernadina, Persey Meulens
i Marlon Romer a bati di 2-1.

Djadumingu 12 di ougùstùs
The Bears 7, Azucar Sta. Maria Food Center 3
The Bears tabatin 8 inkogibel i nan a hunga impekabel.
Pursy Schoop a gana i Victor Caldera a bai di 3-3.
Pa Azucar Sta. Maria Food Center 5 hit i 3 eror.
Randolph Mercera tabata e picher pèrdèdó i Richinel Boeldak a bai di 1-1.

The Bears BBC, e revelashon di Beisbòl Veterano

Amstel 4, Nos Union 3
Amstel tabatin 9 hit i nan a hasi 2 eror.
Gensly La Cruz tabata e ganadó i Ivan Constancia a bai di 3-3.
Efrain Marselia a bai di 2-2.
Pa Nos Union 8 hit i 3 eror.
Gregory Damoen a pèrdè.
Rudolf Latina a bati di 3-2.
Richard Campagnard tambe a bai di 3-2.

Sta. Rosa Memories 6, Yesterday 5
Sta. Rosa Memories a konektá 11 hit i hasi 6 eror.
Edmond Martina tabata esun ku a bai ku e viktoria,
miéntras Gerald Obispo a bati di 2-2.
Yesterday a bati 5 hit i nan a hasi 2 eror.
Frensel Petronilia a pèrdè. Wilson De Jong a bai di 2-2.