Lions ta laga Buena Vista Power den tereno 8-7, Baranka ta bati Jaws 21-4

VAN ENGELEN - Liga van Engelen a kontinuá ayera na Suvek Ballpark. Den e wega di 12’or Lions di Jerrel i Roy a laga Buena Vista Power den tereno.
Lions a gana Buena Vista Power ku skor di 8-7.
E veteranísimo 50 + Norwin ‘Win’ Celestina a hunga primera pa Buena Vista Power ayera.
Buena Vista Power ta pèrdè dos wega siguí, djadumungu dia 11 di ougùstùs nan a pèrdè ku skor di 18-1 kontra Jaws.
Chal Sint Jacoba ta un poko desgustá ku e manera ku su miembronan ta kumpliendo ku e klup.


Baranka 21, Jaws 4
Baranka ta por la goma ruman. E ekipo di spònser pa Napa Auto Parts a bati Jaws sin kompashon ayera ku skor di 21-4.
Ultimo tres weganan Baranka a propiná ekiponan kontrali ‘blackout’.
Baranka - Uniko (22-0),
Baranka - Lions (19-0) i ayera Baranka Jaws (21-4)
E fuerte ekipo di Pariba ta selebrando nan di 20 aña di eksistensia i ta faborito pa bai final Liga van Engelen