Citco ta gana Kooyman i pasa pa final di The Champions League Komersial

SANTA MARIA - Dilanti un gran públiko i hopi animá Citco femenino ta gana di Kooyman 5-2 pa pasa pa e gran final. Tabata den di 5 ining ku Citco ta anotá 3 kareda pa bai ku e viktoria. Kooyman tin ku bai hunga awor kontra di Building Depot e próksimo djabièr-nè pa wak ken ta bai enfrentá Citco den e gran final den un ‘best of three.’

Den Komersial Femenina ekiponan a terminá: CITCO, Kooyman, MCB i Building Depot.
Den Maskulino Dok ta na kabes siguí pa BAB, Building Depot i CITCO.
Play-off ta start djabièrnè awor.

CITCO 5, Kooyman 2
Citco a dal 3 hiti hasi 2 eror.
Sharine Richardson a gana. Solange Soliana i Shawnis van de Burg a bati di 2-1.
Kooyamn a dal 3 hit i hasi 4 eror.
Ignaldaly Garcia a pèrdè i Ruthmila Garcia a bati di 2-2. Tatiana Betorina a bati di 2-1.

Citco den final di The Champions League Komersial Femenina.

OTRO WEGANAN
The Champions 7, Nos Goso 2
The Champions a dal 7 hit i
hasi 2 eror. Sherry Howell a gana i Janet Iltes a bati di 3-2. Bernadita Geerman tambe a bati di 3-2. Bernadita Geerman a bati un
homerun. Nos Goso a bati 7 hit i hasi 2 eror. Jadira Pietersz a resultá e picher pèrdèdó i Asila Finies i Edisona Valies a bati di 2-2.

Treasure 3, Rising Trotters 1
Treasure a bati 8 hit i hasi 1 eror. Marcella Martis a gana i Carine Fluonia i Shermeline Rodriguez a bati di 3-2.
Rising Trotters a bati 4 hit i hasi 2 eror. Antoinette Statius a pèrdè i Joyce van het Kruys a bati di 3-2. Arisela Sling a bai di 2-1.