Building Depot ta eliminá BAB den The Champions League Komersial Maskulino

SANTA MARIA - Djasabra dilanti un públiko inmenso e ekipo di CITCO ta gana di Kooyman i titulá kampion pa di 2 aña konsekutivo di e weganan komersial di The Champions Softball League. Tabata den serada di ining nr 5. ku skor di 6-2
na fabor di CITCO ku awaseru a kai dje duru ei ku e wega no por a kontinuá.
Na e momentunan ei ya e wega tabata legal i CITCO di e manera ei a titulá kampion.
CITCO por mira atras atrobe riba un eksitoso kampionato ya ku nan a bolbe titulá kampion invikto.
Un pabien na e ekipo kompletu di CITCO huntu ku nan fanatikada pa un titulo bon meresí. Un pabien tambe na e ekipo di Kooyman ku a sa di duna un bon bataya i ku den apenas 2 luna di eksistensia ya a sa di sali supkampion den un torneo grandi.
E 2 ekiponan aki sigur a brinda un bèrdadero ekspekstákulo i a sòru pa un tremendo ambiente durante di nan weganan.
CITCO 6 kareda, 5 hit, 3 eror. Picher ganadó Sharine Richardson i na bate Solange Soliana di 2-2.
Kooyman 2 kareda, 4 hit i 2 eror. Pèrdèdó a resultá Valerie Stins i na bate Herma Martina, Rixaira Poulina, Dulce Hato i Xiomara Poulina tur di 2-1.

Resultadonan di djadumingu:
Rising Trotters ta gana di Warriors 3-2 i ta klasifiká pa e weganan di play-off. Rising Trotters a konektá 7 hit i kometé 3 eror.
Picher ganadó Antoniette Statius i na bate Joice v/h Kruys di 2-2. Warriors a bati 6 hit i komete 4 eror. Pèrdèdó a resultá Mayris Obispo i na bate Miriam Mackaay di 3-3.

Nos Goso ta gana di The Champions 6-4 i ta terminá e kampionato regular na promé lugá.
Nos Goso a bati 7 hit i a pifia na 3 okashon. Picher ganadó Shadira Pieters i na bate Asila Finies di 3-2.
The Champions a konektá 5 hit i pifia na 3 okashon. Pèrdèdó a resultá Sherry Howell i na bate Sherry Howell a bai di 1-1.
Priska Angelista i Sherry Howell a konektá back to back homerun.

Building Depot ta gana di BAB 19-15 i ta pasa mesora pa e gran final kontra di DOK.
Building Depot a bati 18 hit i no a kometé eror. Marlon Noor a gana i na bate Gilbert Santiroma di 5-5.
Homerun: Earl Virginie 2 i Ian Ignacio 1. BAB a konektá 15 hit i a pifia na 5 okashon. Pèrdèdó Heinrich Pinedo i na bate Stanford Landburg di 2-2 i Rolangelo Kuwas di 4-3. Homerun Rolangelo Kuwas 3, Stanford Landburg i Glendomar Davelaar ku 1.
E kampionato ta kontinuá den fin di siman ku e weganan di play-off.