CITCO ta dal Kooyman 9-2 den e promé wega di play-off final

SANTA MARIA - Dilanti un públiko grandísimo na Frank Curiel Ballpark e ekipo CITCO a dal Kooyman 9-2 i ta un paso pa bira kampion di e sekshon Komersial Femenina di The Champions League.
E di dos wega di e final lo ta djasabra awor na Frank Curiel Ballpark.
Treasure ta dal Rising Trotters 11-1 i Nos Goso ta blankia Warriors 7-0.

CITCO 9, Kooyman 2
E ekipo Citco tabatin 8 hit i nan a hasi 4 eror.
Picher ganadó tabata Sharine Richardson i e mihó na bate tabata Nathalie Lourens ku a bai di 3-3.
Kooyman tabatin 4 hit i nan a kometé 1 eror.
Ignadely Garcia tabata e pèrdèdó.
Herma Martina, Richeline Rifaela, Mishenou Torregrosa i Ruthmila Martina, tur a bati di 2-1.

Citco selebrando despues di a gana e promé wega di final

Treasure 11, Rising Trotters 1
E ekipo Treasure a konektá 10
hit i nan a hasi 2 eror.
Picher ganadó tabata Marcela Martis i e mihó na bate tabata Sharine Hanse i Xiomara Francisca ku a bai di 2-2.
Rising Trotters tabatin 7 hit i nan a hasi 5 eror.
Nataly Davelaar a pèrdè. Mihó batiadó tabata Milaine Suarez ku a bai di 1-1.
Joyce v/h Kruys a bati di 3-2.

Nos Goso 7, Warriors 0
Nos Goso a bati 12 hit i nan a kometé 1 eror.
Picher ganadó tabata Leonise

Avastia. E mihónan na bate
tabata Girella Isabella, Sonna Valies, Leonise Avastia, Sunita Ricardo i Jeritsa Jansen.
Leonise Avastia a konektá un homerun.
Warriors tabatin 4 hit i 5 eror.
Mayris Obispo a pèrdè, miéntras Rutsela Cicilia i Miriam Macaay a bai di 2-1.
Jeanette Bernadina i Nathaly Elisabeth tambe a bai di 2-1.

Den un wega amistoso maskulino Apache ta gana Kooyman 17 pa 6.