Resultado Liga van Engelen djadumingu 29 di yüli

VAN ENGELEN - Den e kampionato di Liga Van Engelen durante e wikènt ku a pasa, tabatin manera nan ta yama na kareda di kabai, Merkado Libre.
Tabatin 3 nòkout i un kasi nòkout.
Faboritonan no a hasi fout i nan a gana fasilmente.

Den e promé wega Uniko ku Guus Barhorst riba montíkulo ta pasa fásilmente riba Lions ku skor di 20 pa 8. Ku tur e karedanan aki no tabatin homerun.

Den e di dos wega Dalpega ta vlúr Quisqueya 19 pa 8. Bitorina ta destaká pa Dalpega ku 3 homerun. Abigail Vilchez ku ta bèk ku Dalpega tambe tabatin un homerun kilométriko.

Baranka tampoko ta pifia kontra Crazy Tigers. Dugel Adriana ta drecha su averahe batiendo 3 hit den 3 turno inkluyendo un homerun. Stanley Palm den kousa pèrdí ta konektá un homerun pa Crazy Tigers.

Denley Marten di 4-4 pa Navegantes

Den e ‘kasi nòkout’ Jaws ta gana Navegantes 22 pa 14.
Danley Marten co-propetario di tim ku 4 hit den 4 turno pa Navegantes.
Jaws ku 5 homerun den e wega. Aparentemente Albert Den Hartog ta usando steroids.
2 Homerun pa Albert den e viktoria di Jaws riba Navegantes.
Rodney Windster a bolbe gana pa Jaws.

Djadumingu 29 di yüli
Uniko 20, Lions 6
E ekipo Uniko tabatin 19 inkogibel i nan a hasi un eror.
Gustaaf Barhorst a resultá e picher ganadó, miéntras Clifton Ostiana a bai di 3-3.
Shannon Kleinmoedig a bati di 4-3.
Lions tabatin 8 hit i nan a hasi 4 eror.
Isaac Francees a pèrdè i Jurien Martina a bai di 3-2.

Dalpega 19, Quisqueya 8
Dalpega a bati 17 hit i hasi 2 eror.
Maikel Bitorina a gana.
Raylon Francisca i Richinel Ostiana a bati di 3-2.
Maikel Bitorina a konektá 3 homerun i Abigail Vilchez unu.
Pa Quisqueya 10 hit i 2 eror.
Fernando Rosario tabata e pèrdèdó.
Wildrin Molina, Ramon Cabrera i Elvin Wawoe a bai di 3-2.
Wildrin Wawoe a bati un homerun.

Baranka 15, Crazy Tigers 4
E Ekipo Baranka tabatin 12 hit i nan a kometé 2 eror.
Glendomar Davelaar a bai ku e viktoria, miéntras Sepherine ‘Dugel’ Adriana a bati di 3-3. Wilfred Reinita i Sepherine Adriana a konektá un bataso di kwater skina.
Crazy Tigers tabatin 5 hit ku 2 eror.
Lesly Conradus a pèrdè.
Stanley Palm a bai di 2-2 inkluyendo un homerun.

Jaws 22, Navegantes 14
Jaws a bati 18 hit i kometé un eror.
Rodney Windster tabata e ganadó.
Albert den Hartog a bati di 4-4.
Albert den Hartog a konektá 2 homerun.
Roderick , Hubert v/h Kruys i Rodney Windster a konektá un homerun.
Navegantes tabatin 18 hit i 3 eror.
Danley Marten a bati di 4-4.
Sherman Schoop a konektá un homerun.