Catpower a dal Swift 5-2 den kontinuashon di Liga 40

VAN ENGELEN - Catpower a gana Swift 5-2 djaweps 26 di yüli den kontiuashon di Liga 40. La Prensa Slowpitch ta risi-biendo e resultadonan di Liga 40 poko lat.
Lions a pèrdè tantu dia 26 i yüli komo dia 31 di yüli

RESULTADONAN
Djaweps 26 di yüli
Catpower 5, Swift 2
E ekipo Catpower a konektá 9 hit i nan a hasi 1 eror.
Michelangelo Boekhoudt a gana, miéntras Sidney di Windt a bai di 2-2.
Wendell v/h Kruys tambe a bati di 2-2.
Pa Swift 3 hit i 3 eror.
Hubert 'Manolo' Gomez a pèrdè i e mes a bai di 1-1.

Rising Trotters 9, Lions 6
Rising Trotters tabatin 12 inkogibel i nan a kometé 1 eror.
Rudsel Petronilia tabata e ganadó, miéntras Arthuro Franka a bai di 2-2.
Gilbert Kleinmoedig tambe a bai di 2-2.
Lions tabatin 7 hit i nan no a hasi eror.
Gilbert Makaya a pèrdè i Robertico Ramazan a bai di 2-2, inkluyendo un homerun.
Tyronne Minguel tambe a konektá un homerun.


Djamars 31 di yüli
Swift 18, Lions 6
Swift tabatin 16 hit i nan a hunga impekabel.
Victor Silverio a resultá e picher ganadó i Geronimo Davelaar a bai di 2-2.
Jose Cijntje i Randall van Lamoen tabatin un bataso di kwater skina.
Lions tabatin 11 hit i 3 eror.
Elvis Jacobus tabata esun ku a pèrdè.
Robertico Ramazan i Gilbert Juliet a bati di 2-2.
Lyndon Lourens, Robertico Ramazan i Gilbert Juliet tabatin un homerun.

Baranka 10, Exito 0
Baranka a bati 11 hit sin eror.
Albertico Isenia a gana.
Sharlon Hanst i Norberto Maat a bai di 2-2.
Gilbert Denisia i Norberto Maat a konektá un homerun.
Exito tabatin 2 hit i nan a hasi 4 eror.
Edward Dijk a pèrdè i Richinel Bernabela a bai di 1-1.

KONTINUASHON
Sòftbòl Liga 40 ta kontinuá djamars 7 di ougùstùs 2007 ku dos wega. 7.30 pm Lions lo enfrentá Baranka ku ta invikto i 9.30’or Exito-40 ta midi forsa ku Catpower ku tambe ta invikto.