Catpower i Rising Trotters a nòkout Swift i Navegantes den Liga 40

WILLEMSTAD - E kampionato di Liga 40 a sigui djaweps anochi na Suvek Ballpark ku dos wega.
Den e promé wega Rising Trotters a nòkout Navegantes 19-3 i despues Catpower a bati Swift 12-1 den e wega ku mester a bira e klèsh di anochi.

RESULTADONAN
Rising Trotters 19, Navegantes 3
Rising Trotters a dal 17 hit i a kometé 1 eror. Lesley ‘Le’ Martina a gana i Rignald Hooi a bati di 3-3.
Rignald Hooi i Raymond ‘Boy’ Constancia a bati un homerun.
Navegantes a bati 3 hit i kometé 10 eror (fuera Ché).
Lesley Conradus a resultá e picher pèrdèdó i Leticio Rosa a bati di 2-2 ku un homerun.

Catpower 12, Swift 1
Catpower a bati 10 hit i kometé 2 eror. Richenel Raphaela a gana i Sidney De Windt a bati di 2-2. Norwin Moesquit i Sedeney Lourens (The Bears Connection) a konektá un homerun.
Swift a bati 2 hit i kometé 2 eror.
Frensel Martinus a pèrdè. Momon Martina i Sandy Marceli a bati di 2-1.