WILLEMSTAD - Djasabra 12 di sèptèmber lo start ku Liga Endrew Isabella antes Liga Koktel na Muizenberg Ballpark. 11 ekipo a konfirmá sigur nan partisipashon den e liga pa loke ta 2009.
E ekiponan ku ta sigur di nan partisipashon ta : Royal Tigers, Awa Limpi, Holly Wood Muiz, Seru Fortuna, Kooyman, Kuster's Trading, Suffisant Aegles, Kima Liga, Speedy, Charo Stars i Hi-Printing.
Tin ainda tin kuater ekipo ku no tin konfirmashon di nan partisipashon. E Liga ta bai hunga riba djasabra, djaluna i djamars. Ta hunga un buèlta di tur kontra tur pa despues saka e 6 ekiponan ku ta klasifiká.
Te awor tur wega lo hunga na Muizenberg Ballpark. Lo bai tin transmishon di apertura i tambe di e promé wega ku lo bai entre Kooyman i e ekipo di Kuster's Trading. E wega aki ta programá pa 20.00 (8or).
Apertura mes ta mitar di ocho. Tur ekipo partisipante mester ta uniformá den 2009. No ta permití ekipo sin unifòrm e biaha aki. Pa mas informashon por yama Johnny na 5602992.
Tin tres ekipo Komersial ku ta tuma parti na e kampionato, nan ta Hi-Printing, Kooyman i Kuster's Trading. Debí ku den liga di Endrew Isabella e bala mester boog i tur hende por bati e bala.
No comments:
Post a Comment